Priten arrestime të tjera në lidhje me vrasjen e Pëllumb Metës. Policia e Durrësit po vijon me intesitet hetimet në lidhjen me zbardhjen dhe dokumentimin e plotë të ngjarjës së ndodhur më datë 10 shkurt.
Burime nga grupi hetimor thanë për ABC News se ka dyshime të forta që bashkëshortja e Pëllumb Metës dhe njëkohësisht nëna e tre fëmijëve të arrestuar, të jetë iniciatorja kryesore në vrasjen e 50-vjeçarit dhe asgjesimin e kufomës.
Blerina Meta është lënë qëllimisht e lirë nga policia për të zbuluar detaje të tjera që grupit të hetimit i nevojiten për të zbuluar të vërtetën.
Hetuesit po mbajnë në survejim me metoda speciale Blerina Metën.
“Nuk e besojmë që shkak për vrasjen të ketë qenë historia e fejesës. Ne mendojmë se diçka tjetër fshihet. Ata sakrifikuan kryefamiljarin që mos të dilte ai sekret nga gjiri i familjes. Po punojmë me intesitet, me metoda aktive dhe proaktive. Kemi dyshime të forta se indiciatorja kryesore e kësaj ngjarjeje të jetë Blerina Meta”, thanë burime nga grupi i hetimit për ABC News./abcnews.al
