Një nga ngjarjet më të mëdha të futbollit të klubeve do të kulmojë sonte me një përballje të zjarrtë ndërmjet dy superfuqive evropiane, Chelsea dhe Paris Saint-Germain. Finalja e shumëpritur e Botërorit të Klubeve do të zhvillohet në stadiumin “MetLife” në New York, me fillim nga ora 21:00.
Klubi londinez rikthehet për herë të tretë në finalen e këtij kompeticioni prestigjioz. Blutë kanë një histori të përzier në këtë garë, pasi humbën finalen e vitit 2012 ndaj Corinthians, arritën të kurorëzohen kampionë në vitin 2021 pas fitores ndaj Palmeirasit. Tani kërkojnë trofeun e dytë dhe konfirmimin si një forcë dominuese globale.
Në anën tjetër, Paris Saint-Germain shkruan histori në debutimin e saj në këtë turne. Klubi francez, i udhëhequr nga emra të mëdhenj dhe një filozofi moderne të futbollit, ka arritur për herë të parë në finalen e Botërorit të Klubeve dhe synon të përmbyllë me sukses këtë rrugëtim magjik duke ngritur trofeun e parë ndërkombëtar të këtij lloji.
Atmosfera në New York pritet të jetë elektrizuese, me dhjetëra mijëra tifozë të mbledhur në një nga stadiumet më moderne të SHBA-së, për të parë këtë duel që tejkalon kufijtë evropianë dhe tërheq vëmendjen e të gjithë botës së futbollit.
Një trofe, dy skuadra të mëdha, dhe vetëm një fitues. Finalja e Botërorit të Klubeve është gati të dhurojë spektakël dhe emocione të paharrueshme. (A2 Televizion)
