Pas një paraqitje të mrekullueshme që pati në ‘Grammy Awards 2023’, Bebe Rexha është bërë gati që të sjellë për fansat këngën e saj të re.
Artistja shqiptare me famë globale, ka bërë të ditur se më datë 17 shkurt do të publikojë këngën dhe klipin e saj më të ri “Heart Wants What it Wants”. Kënga do të jetë ritmike dhe do t’i paraprijë albumit të saj të tretë në ardhje, i cili gjithashtu pritet të publikohet këtë vit.
Ajo dukej mjaft atraktive me pamje ne saj prej biondeje, teksa pozonte nudo e mbuluar vetëm me një pellush portokalli. Rexha ka treguar përmes disa postimeve të vazhdueshme në Twitter se “Heart Wants What it Wants” do të publikohet të premten teksa ndau me ndjekësit një pjesë të shkurtër të kësaj kënge.
