Ndërsa rrjeti po zien sërish duke aluduar se mes Xhensilës dhe Besit nuk ka një ndarje, këtë të enjte ata janë fotografuar pranë Gjykatës për të zgjidhur martesën e tyre disavjeçare.
Këngëtarja Xhensila Myrtezaj dhe aktori Bes Kallaku janë paraqitur pranë Gjykatës së Juridiksionit të Përgjithshëm Tiranë për seancën e radhës. Burime për mediat bëjnë me dije se gjatë kësaj seance ish-çifti të cilët janë prindër të dy fëmijëve, Ajkës dhe Amenit do të bien dakord lidhur me përpjestimin e pasurisë.
Ndarja e artistëve prej muajsh ka qenë kryefjalë e mediave rozë.
Më herët aktori ka deklaruar se fëmijët jetojnë me Xhensilën, ndërkohë vajzën e tij, Ajkën, e viziton më shpesh dhe qëndron më tepër me të, duke qenë se djali i tyre Ameni ende nuk ka mbushur 1 vjeç dhe ka më tepër nevojë për përkujdesjen e të ëmës.
