Artistes amerikane, Britney Spears i mbaroi benzina në mes të një prej autostradave më të ngarkuara me trafik në Los Angeles. Këngëtarja ka thirrur policinë për ta ndihmuar.
Burime të policisë për TMZ u shprehen se ylli i muzikës po shkonte në drejtim të jugut, kur Benzi i saj i bardhë, papritur ndaloi duke bllokur një korsi të tërë.
Mediat e huaja raportojnë se Britney i ka thënë policëve se i ka mbaruar benzina, prandaj ngeci në mes të autostradës.
Patrulla e Autostradës së Kalifornisë me të mbërritur në vendngjarje normalizoi trafikun, teksa një oficer u sigurua të shtynte makinën e këngëtares drejt një vendi të sigurtë. Forcat e rendit qëndruan me Spears, deri në momentin kur bashkëshorti i saj, Sam Asghari arriti për ta marrë.
Ju kujtojmë që kjo ngjarje vjen një javë pas kthimit në Kaliforni të këngëtares me bashkëshortin, pas muajit të tyre të mjaltit.
