Rita Ora është shfaqur pothuajse e zhveshur në Met Gala të këtij viti , pranë bashkëshortit të saj, Taika Waititi.
Këngëtarja shqiptare mbante veshur një fustan Tom Ford të stiluar nga Tom Eerebout . Vetë fustani përmbante një trup me rrjetë, mbi të cilin vareshin fije rruazash në nuanca të ndryshme të zezë, rozë, portokalli, bruz dhe të bardhë.
Siç tha Rita për Vogue gjatë transmetimit të tyre të drejtpërdrejtë të ngjarjes, disa nga rruazat janë të shekullit të parë dhe të dytë para Krishtit, duke i bërë ato “më të vjetrat në këtë planet”.
Kamera e ka kapur disa herë teksa përpiqej të mbulonte pjesët e ndjeshme të trupit, qoftë me duar, qoftë me bashkëshortin përballë.
