Goji berry është një frut i rrallë për Europen, por shumë popullor në Shtetet e Bashkuara të Amerikës, Kanada dhe Kinë, ndërsa për herë të parë në Shqiperi vjen si një iniciativë e sipërmarrjes Shqiptare, por për herë të parë në territorin e Dumresë, në fshatin Shtith po kultivohet nga fermeri Fisnik Tafani. Prej vitesh ne vendin tonë po kultivohen bimë apo fruta që merren nga vende të ndryshme të botës. Fermerë apo të apasionuar pas tyre kanë eksperimentuar fillimisht e më pas i kanë kultivuar për prodhim.
Një rast i ngjashëm është edhe i fermerit Fisnik Tafani nga fshati Shtith. Fisniku ka kultivuar një frut të rrallë dhe të pakultivuar asnjëherë më parë në territorin e Dumresë. 
Fisnik Tafani, I cili ka kultivuar rreth 1(një) dynym xhoi berry thotë se para se ta mbillte është njohur për vlerat e larta ushqyese që përmbajnë frutat.
Goji berry(xhoi berry) janë një frut që vjen nga bima botanike lisjum barbarum . ato janë të kuqe, kokërr vogël në pamje të parë, ngjajnë me frutin e thanës, por kur priten në mes ato janë si domatet, por në përmasa shumë të vogla.
Manat xhoi berry konsumohen në disa forma, si: të njoma, në formën e cajit por edhe të thata. Ato njihen si frutat e akullta tibetiane pasi ekportohen të ngrira në akull dhe rriten në lartësi, duke i rezistuar të ftohtit.
Elbasani flash
