Fshati Xibrakë në bashkinë e Elbasanit ëshë lën në harresë prej më shumë se 30 vitesh. Fshati po boshatiset dita ditës ku nga 1000 shtëpi që ishin dikur sot kanë mbetur vetëm 300 shtëpi . Edhe pse ka burime ujore të shumta këtu asnjëherë nuk ka pasur ujë .
Përsa I përket investimeve në infrastrukturë ato nuk kanë ndodhur kurrë edhe pse zona është malore dhe e ka të nevojshmë rrugën për tu lidhur me qytetin e Elbasanit.
Për të mbërritur në këtë fshat apo për të dal prej tij është një sfidë e vërtetë pasi duhet të ecesh në këmbë rreth një orë,ndërsa automjetet e kanë të pamundur të kalojnë në rrugën provizore.
Vetë banorët shprehen se të jetosh në Xibrakë është shumë e vështirë pasi mungon çdo shërbim I nevojshëm jetësor duke filluar nga infrastruktura deri tek shërbimi shëndetësor.
Ajo që është më shqëtësuese është se rruga e sajuar nga banorët kalon përmes një lumi dhe gjatë stinës së dimrit kur ka reshje ata mbesin të izoluar pasi është e pamundur të kalosh ne të .
Edhe fëmjët humbasin ditët e shkollës për shkak të largësisë dhe vëshirësisë që jeta në këtë fshat ka./elbasaniflash.al
