Tifozët e Chelsea-t, rimbursimin e biletave të ndeshjeve që do të luhen pa tifozë për shkak të koronavirusit të ri (COVID-19), do t’i dhurojnë në organizatat e bamirësisë.
Në njoftimin e klubit thuhet se ‘’kanë marrë kërkesë të shumta nga tifozët që rimbursimet t’u rikthehen organizatave të bamirësisë’’.
Në këtë drejtim 600 mijë sterlinat e mbledhura do t’u jepen 3 organizatave të caktuara.
Kryetari i klubit, Bruce Buck falënderoi tifozët për mbështetjen e tyre.
Ndërsa kapiteni, Cesar Azpilicueta tha se ‘’bota është duke kaluar momente të vështira për shkak të COVID-19 dhe se ndjehen krenarë me donacionin e tifozëve’’.
atsh
