Është një ndër vendet më të bukura që natyra I ka falur qarkut të Elbasnit dhe vendi i dukur për të kaluar ditët e nxehta të verës pasi është zonë malore e mnuluar nga pishat që ofrojnë ajër të pastë dhe freski .
Gjinari gjendet në jug-lindje të qytetit të Elbasanit dhe arrihet në këtë destinacion nëpërmjet rrugës automobilistike Elbasan-Gjinar. Distanca e përshkruar nga Elbasani për të mbërritur në Gjinar është 24 km.
Fshati Gjinar pozicionohet kryesisht në një peizazh malor. Mali e Bukanikut, i cili gjendet 1831 metra mbi nivelin e detit mbetet një destinacion i pëlqyer për ngjitje në majën e tij.
Pyjet dhe peizazhi malor janë pasuria e vërtetë e Gjinarit. Kryesisht mbetet një zonë e lagësht dhe në dimër bie mesatarisht mbi 2 javë dëborë. E veçanta e Gjinarit është se ai dallon për nga klima dhe resurset e veta natyrore, duke ofruar një turizëm permanent, si gjatë verës, ashtu edhe gjatë dimrit.
Elbasaniflash.al
