videot e kamerave të sigurisë, ku shihet se si dy autorët vendosin për 7 minuta tritolin në makinën e Bernard Ndrecës dhe më pas makina shpërthen sapo mjeti nis që të lëvizë.
Makina e kreut të PD-së në Vaun e Dejës ishte e parkuar në oborrin e banesës, dhe në momentin kur është vendosur lënda plasëse familja ka qenë në gjumë, pasi gjithçka ka ndodhur pas mesnate.
Siç shihet dhe nga pamjet shpërthimi ka qenë i fuqishëm, ndërsa pak metra më tutje ndodhej dhe një familjare e Ndrecës, e cila ka shpëtuar pa lëndime.
Kreu i Partisë Demokratike në Vaun e Dejës, Bernard Ndreca e ka quajtur një sulm politik, vendosjen e tritolit në mjetin e tij në orët e para të mëngjesit të sotëm.
Në një deklaratë ku shfaqej në krah të kandidatit për Bashkinë e Vaut të Dejës, Zef Hila, Ndreca hodhi akuza për implikimin e policisë me përfaqësues politik.
Ndreca u shpreh se nga kamerat e sigurisë janë pikasur dy persona, që në një kohë për rreth 7 minuta kanë vendosur lëndën plasëse në pjesën e përparme të mjetit.
Bernard Ndreca: Nga kamerat duken dy persona të maskuar që vendosin lëndën plasëse. Sulmi ndaj meje është politik, pasi unë nuk kam konflikte me askënd. Në Zonën e Vaut të Dejës dihet që përzihet politika me policinë, i bëj thirrje çdolloj krahu politik, kurrë nuk mundet me e mbajt një bashki as me presione dhe as me një gjë tjetër. Në momentin që makina ka lëvizur nga vendi ndodhi shpërthimi.
Zef Hila: Akt kriminal ndaj kreut të PD Vau Dejës, të merren masa që ky rast të zbardhen edhe autorët. I bëj thirrje kryeministrit dhe ministrit të brendshëm të reagojnë menjëherë për zbardhjen e kësaj ngjarje.
Greta Bardeli: Ngjarje e rëndë. Kjo ngjarje mafioze kriminale ka 1 emër, atyre që nxisin gjuhën e urrejtjes. I bëj thirrje osbe odihr që të jenë të pranishëm në Qarkun e Shkodrës 30 ditë para zgjedhjeve. Nuk janë shenja të mira për zgjedhjet lokale dhe demokracinë. Si drejtuese politike bëj thirrje policisë dhe prokurorisë që të zbardhë ngjarjen. Demokratët nuk friksohën.
