Gjykata e Lartë ka rrëzuar kërkesën e ish gjyqtares Zamira Vyshka që përgjimet e kryera nga SPAK përpara se ajo të merrej e pandehur të konsideroheshin si të paligjshme. Anëtari i Gjykatës së Lartë, Sandër Simoni, vendosi mospranimin e rekursit ndaj Vyshkës, për të cilën rreth një muaj më parë, SPAK dorëzoi dosjen në gjykatë duke e marrë atë të pandehur, për akuzën e korrupsionit. Seanca paraprake ndaj ish gjyqtares, avokatit Ilir Pashaj dhe 3 të pandehurve të tjerë, pritet të mbahet më 21 shkurt. GJKKO do vendosë nëse çështja do kalojë apo jo, për gjykim. Zamira Vyshka u vu nën hetim, pas një letre anonime të mbërritur në strukturën antikorrupsion. Pas kësaj letre, institucioni i akuzës u vu në lëvizje duke vënë në përgjim ish gjyqtaren e Elbasanit dhe avokatin Ilir Pashaj, ka mbajtur detyrën edhe të gjyqtarit.
Përgjimet dhe vëzhgimet ambientale të kryera nga SPAK dokumentuan skemën korruptive. Referuar dosjes hetimore, që Fax Neës disponon, Xhulio Musai, një i dënuar me 3 vite burg për plagosje, kundrejt shumës prej 2 milion lekësh do përfitonte ulje të dënimit. Taulant Ramollari ishte personi që do i dorëzonte avokatit Ilir Pashaj shumën e parave, që në këtë rast luante rolin e sekserit. Por avokati i ka kërkuar të pandehurit Romallari, dyfishin e parave për t’i ulur vetëm 2 muaj nga dënimi Xhulio Musait. Referuar dosjes hetimore Taulant Romallari ka shkuar me një zarf në dorë për të takuar në një lokal avokatin Pashaj, ku sipas grupit të vëzhgimit ata janë takuar tek dera e lokalit, ku edhe kanë debatuar me tone të larta. Pas debatit Romallari është larguar sëbashku me zarfin. Ndërsa në ambientet e lokalit, sipas dosjes e pranishme ka qenë edhe ish gjyqtarja Vyshka, moment të cilin grupi i vëzhgimit e ka fotografuar.
Nga përgjimet e kryera pas këtij momenti Romallari ka komunikuar me Xhulio Musain nga burgu, duke i treguar për të gjithë situatën. Më tej ai ka komunikuar edhe me shtetasin Andrea Tirana i cili është marrë i pandehur për moskallëzim krimi në këtë çështje. Nga përmbajtja e bisedës mes tyre, krijohet dyshimi se Taulanti po i tregon Andreas mbi takimin qe kishte patur pak më parë me avokatin Ilir Pashaj dhe nuk kishin rënë dakort, pasi ky i fundit i kishte kerkuar dhe dy të tjera.
“Duke e lidhur këtë bisedë me bisedat e tjera të ditëve më parë rezulton se bëhet fjalë për një shtesë prej 200.000 lekësh të tjera përvec atyre të kërkuara më parë nga ana e Ilirit në lidhje me gjyqin në ngarkim të Xhulio Musaj për ta favorizuar me masën e dënimit. Eshte për t’u theksuar se paraprakisht avokati Ilir Pashaj dhe shtetasi Taulant Ramollari kishin rënë dakort që shuma që do të dorëzohej do të ishte 200.000 lekë”, thuhet në dosje. Në përgjime ra edhe vetë gjyqtarja Vyshka. Ajo komunikun me shtetasin Andra Tirana, ku i kërkon këtij të fundit ti gjejë një hotel, për disa punëtorë që do kryjnë punime, në një nga godinat e saj. Ku ky i fundit i sugjeron hotelin e Taulant Romallarit, personit që është interesuar vazhdmimisht sipas SPAK, për të ulur dënimin e Xhulio Musait. Pas këtij momemti në dosje rezulton se ish gjyqtarja komunikon me një shtetas të identinfikuar si Florenc Salibashi. Në komunikimet me këtë shtetas Vyshka, i sugjeron që të shkojë te hoteli i Tanit, pasi ai ka hallin e vetë.
“Ikk ikk atje ke Tani, se e kemi ashtu ate… Tek ai shko”, se ka hallin e vet ai”, i shkruan ish gjyqtarja këtij personi.
