Gjykata e Lartë ka rrëzuar rekursin e bërë nga Suel Çela.
Gjykata ka vendosur: Mospranimin e rekursit të paraqitur nga personi nën hetim Marjus Sula alias Suel Çela, kundër vendimit nr. 64, datë 26.04.2023, të Gjykatës së Posaçme të Apelit për Korrupsionin dhe Krimin e Organizuar.
Ai kishte ankimuar masën e sigurisë arrest në burg të dhënë nga gjykata e posaçme pas dekalrimeve të Nuredin Dumanit dhe Henrik Hoxhajt.
Çela është i dyshuar për porositjen e dy ngjarjeve të rënda kriminale në qytetin e Elbasanit. Çela është në arrati dhe ka bërë rekursin nëpërmjet avokatëve të tij.
Kush është Suel Çela?
Suel Çela është akuzuar si njëri nga protagonistët e 18 shtatorit 2017 në qytetin e Elbasanit.
I akuzuar si fillim për vrasje të oficerëve të policisë të ngelur në tentativë, Suel Çela u konsiderua i pafajshëm edhe për veprën e kundërshtimit të forcave. Gjykata tha gjatë vendimit se prokuroria e krimeve të rënda nuk arriti të vërtetojë me prova përfshirjen e Suel Çelës në ngjarjen e tregut agroushqimor.
Prova e gjetur në automjetin “Audi” që shfaqet edhe në kamerat e sigurisë nuk tregon nëse në momentin e ngjarjes ka qenë apo jo i pranishëm Çela.
Bashkë me Endri Çopjen, ai gjithashtu akuzohet për tentativë rrëmbimi të një personi dhe plagosjen e tij, ngjarje kjo e ndodhur në vitin 2013.
fax web
