Dy shqiptarë janë arrestuar gjatë një operacioni të Gardës Civile në Spanjë nën akuzën e grupit kriminal të dedikuar për kryerjen e grabitjeve me forcë në shtëpi.
Grupi akuzohet për sulme ndaj shtëpive në komunat Oleiros dhe Teo.
Dy arrestimet ndodhën në afërsi të qytetit të Santiago. Bëhet fjalë, siç raportohet nga Garda Civile, për dy të rinj të cilët dyshohen se janë përgjegjës për 4 grabitje në shtëpitë e vendosura në zonat rurale të Oleiros dhe Teo.
Hetimi erdhi si rezultat i monitorimit të vazhdueshëm nga Gara Civile për organizatat e dyshuara për grabitje
Më 5 shkurt, gjatë një ndjekjeje, Garda Civile arriti në përfundimin se grupi synonte të largohej nga provinca, ndaj nisën një operacion për të kryer arrestimet.
Vendi i përzgjedhur për arrestimet ishte një pikë në AP-9, ku ndaluan automjetin dhe ndaluan personat që udhëtonin në të.
Agjentët gjetën një tjetër automjet që ishte përdorur nga të arrestuarit. Ai ishte braktisur në një zonë pyjore pranë Vilalbës dhe brenda saj u siguruan prova që lidhnin të arrestuarit me sulmet.
Dy të arrestuarit u vunë në dispozicion të Gjykatës së Gardës së Betanzos, e cila urdhëroi pranimin e tyre në burg. Operacioni është në vazhdim dhe nuk përjashtohen arrestime të reja.
