Një profesor i Universitetit të Patrës është dërguar në burg pas një padie të bërë nga babai i një vajze 15-vjeçare, i cili ankohej se ai po e fotografonte të bijën pa pëlqimin e tij.
Ngjarja dyshohet se ka ndodhur mbrëmjen e së premtes, në një lokal.
Tre të rinj ishin ulur në një tavolinë aty pranë. Kur panë se çfarë po bënte profesori, e pyetën pse, duke shkaktuar një zhurmë.
Në vendngjarje është thirrur në mënyrë të menjëhershme policia.
Babai i të miturës ka bërë padi për shkelje të të dhënave personale.
Profesorit i është konfiskuar celulari dhe do të dërgohet në laboratorët e mjekësisë ligjore të Athinës për të kontrolluar përmbajtjen e tij.
Nga ajo që babai i të miturës ka deklaruar në polici, thuhet se ai ka qenë këmbëngulës kjo për shkak se pretendohet se edhe ankuesja edhe zyrtari përgjegjës kanë bërë përpjekje që incidentin ta konsiderojnë të përfunduar dhe të mos ndjekin procedurën spontane.
Pas këmbënguljes së babait, profesori është ndaluar natën në Sigurim dhe të shtunën është dërguar në prokurori.
Ky i fundit ka liruar profesorin dhe ia ka kthyer dosjen Sigurimit, pasi e ka konsideruar të paplotë.
