Të gjithë ju që keni menduar të pushoni në Itali këtë verë, duhet të prisni të paktën deri në datën 30 Korrik, ku hyrja drejt vendit fqinjë është e kufizuar vetëm për disa kategori të caktuara.
Ministria për Evropën dhe Punët e Jashtme njofton se janë shtyrë datat për vlefshmërinë e masave për udhëtimet nga Shqipëria drejt Italisë.
Duke filluar nga 16 maji deri në 30 korrik, hyrja në Itali nga Shqipëria u lejohet qytetarëve italianë/BE/Schengen dhe familjarëve të tyre, si dhe atyre që kanë leje qëndrimi afatgjatë dhe familjarëve të tyre.
Gjithashtu u lejohet hyrja dhe atyre që kanë një marrëdhënie të qëndrueshme dhe të provuar me kategoritë e mësipërme dhe duhet të shkojnë në vendbanimin e partnerit.
(E.K/Faxweb.al)
