Një 47-vjeçar në Fier është vënë në pranga pasi ka keqtrajtuar ish-bashkëshorten.
Njoftohet se S. Rr., banues në Kurian, Roskovec, të shtunën është futur në shtëpinë e ish-bashkëshortes së tij pa pëlqimin e saj, e ka keqtrajtuar dhe e ka rrëzuar nga kati i dytë i banesës.
38-vjeçarja E. S, ishte e pajisur me urdhër mbrojtje nga Gjykata ndërsa tashmë ndodhet në Spitalin Rajonal të Fierit nën kujdesin e mjekëve.
Njoftimi i Policisë
Patos, Fier
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:
S.Rr., 47 vjeç, banues në Kurian, Roskovec.
Arrestimi i këtij shtetasi u bë pasi gjatë ditës së djeshme, në Patos, ka hyrë në shtëpinë e ish bashkëshortes së tij pa pëlqimin e saj, e ka keqtrajtuar dhe e ka rrëzuar nga kati i dytë i banesës.
Shtetasja E. S, 38 vjeçe, ishte e paisur me urdhër mbrojtje nga Gjykata.
38-vjeçarja ndodhet në Spitalin Rajonal Fier nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje për shkak të marrëdhënieve familjare” e mbetur në tentativë, “Dhunë në familje”, “Veprime në kundërshtim me vendimin e Gjykatës”, “Dhunimi i banesës” dhe “Shkatërrimi i pronës”. /abcnews.al/
