Pak ditë pas vdekjes foshnjes 5-ditëshe në maternitetin e Vlorës, familjarët e viktimës kërkojnë drejtësi. Babai i fëmijës, Neritan Halilaj ushpreh se djali ka qenë shumë mirë, gjë të cilën ia ka konfirmuar edhe mjekja pasi ai e kishte pyetur shpesh atë për shëndetin e foshnjës.
Halilaj u shpreh se foshnja kishte qëndruar 4 ditë në spital për shkak se i kishin dalë disa shenja si puçrra në trup dhe do merrte mjekimin për to. Sipas tij ditën e pestë do e nxirrnin nga spitali madje i kishin lëshuar edhe fletë-dalje.
Ai shtoi se nuk e di arsyen se përse djali i tij humbi jetën ndërsa këkon drejtësi dhe të zbulohet e vëryeta. Halilaj tregon se e ka lajmëruar bashkëshortja e cila ka parë djalin e pajetë rrethuar nga doktorët.
Ai theksoi se pasi ka marrë lajmin ka shkuar në spital teksa kur ka parë djalin pajetë i ka rënë të fikët. Kur është përmendur Halilaj thotë se ka nisur të kërkojë shpjegime, por askush si ka thënë asgjë. Sipas tij, fajtore është mjekja që i ka dhënë mjekim të gabuar ose antibiotikë.
“Djali lindi shumë mirë, eci shumë mirë në të gjitha. Kam komunikuar me doktoreshën, i kam thënë ka gjë djali, jo më tha është shumë mirë s’ka asgjë. Vajta ditën e katërt për ta nxjerrë më tha do ta mbajmë dhe sot, nesër do ta nxjerrim. Kam folur me nusen gjatë gjithë kohës. Më tha nuk ka ardhur doktoresha akoma për të bërë vizitën. Ndërkohë erdhi doktoresha, bëri vizitën, të gjitha, i dha fletëdaljen për të dalë. I bëri atë gjilpërën e bebit. Nga ora 11:00 deri në 12:00 kishte atë serumin që po e bënte. Në atë kohë më merr nusja në telefon, më thotë nuk po reagon djali fare, është bërë sterr i zi. Gjeti doktorët atje nusja, pyeste nuk i kthenin përgjigje. Pas pak pyeti doktoreshën, ajo i tha djali nuk ka shenja jete. Dyshoj që e ka doktoresha të gjithë fajin, çfarë ka bërë ajo nuk e di”, tha Halilaj.
Babai i fëmijës që humbi jetën thotë se e ka denoncuar në polici dhe në gjykatë.
“Ia lë drejtësisë çështjen në dorë ta zgjidhi, në rast të kundërt do ta zgjidh vetë”, thotë ai. Shpresat tek drejtësia i ka të pakta por shpreson se për këtë rast nuk do të ketë tolerime.
“Që të humbasë një foshnjë jetën për një orë, unë nuk e di. Ku është arsyeja që ky fëmijë humbi jetën?”, tha babai.
“Unë do ta vazhdoj luftën deri sa ta gjej pse ka humbur jetën fëmija. Kurrë në botë nuk ia fal doktoreshës. Gjendja jonë është shumë kritike. Mirë djali që më humbi jetën, por nusja që ma kishin lënë të shtrirë atje, i kishte rënë 4 herë të fikët e nuk e kishin zënë me dorë. Çfarë prisnin të humbte dhe kjo jetën?! Mos e pyet çfarë traume?! Mos i rënë askujt kjo që më ka rënë mua”, deklaron ai.
