Një tentativë arratisje është parandaluar nga efektivët e burgjeve në burgun e sigurisë së Lartë në Peqin. Burime nga drejtoria e burgjeve bëjnë me dije se Bledar Selmanaj, i arrestuar si autor i vrasjes së Xhuljano Bullarit, verën e këtij viti ka tentuar të arratiset.
Sipas informacioneve mësohet se Selmanaj ka tentuar të thyejë sigurinë me qëllim arratisjen e tij, por ajo është parandaluar nga gardianët e burgut, duke mos lejuar që i akuzuari për vrasje mos të kalojë as sektorin ku ai ishte izoluar
Si ndodhi ngjarja
Xhuliano Bullari u gjet i vrarë më 20 gusht 2021 në Babicë të Vlorës. Bledar Selmanaj është arrestuar si autor i krimit, por ai nuk ka pranuar autorësinë, duke pretenduar se ai nuk e ka qëlluar shokun e tij me armë.
Xhuljano Bullari dhe autori i dyshuar i vrajses, Bledar Selmanaj, janë njohur në ambjentet e burgut.
Ata kanë ndarë qelinë së bashku, ku Bullari vuante një dënim prej 3 vite e 4 muaj për akuzën e “Dhënies ndihmë për kalim të paligjshëm të kufirit”.
Ndërsa Bledar Selmanaj ndodhej në burg për një dënim për vjedhje të përsëritur.
