Ish-kryeministrja e Ukrainës Yulia Tymoshenko është në gjendje të rëndë shëndetësore pasi doli pozitiv në Covid-19.
59 vjeçarja e cila shërbeu për dy mandate si kryeministre para se të mposhtej në zgjedhjet presidenciale të vitit 2010, u bë e para politikane e profilit të lartë në Ukrainë që dihet se është infektuar me koronavirus.
Parlamenti i vendit është në pushim veror që nga mesi i korrikut.
‘Gjendja e saj është serioze me temperaturë deri në 39 gradë”, tha zëdhënësja e partisë së saj, Marina Soroka.
Soroka nuk tregoi nëse Tymoshenko është hospitalizuar.
Numri i të infektuarve në Ukrainë këtë javë u rrit shumë, derisa 24 orët e fundit u shënuan 2328 raste të reja.
Numri total i rasteve pozitive është 104,958 derisa 2271 persona kanë humbur jetën.
