Prej disa ditësh përflitet se Dua Lipa dhe Anwar Hadid i kanë dhënë fund lidhjes pas 2 vitesh bashkë. Revista People raporton se ata kanë vendosur të bëjnë pak pushim dhe të kalojnë kohë të ndarë. Në fillim të kësaj jave, gazeta britanike The Sun raportoi se ata ishin ndarë pas një krize për shkak të distancës mes tyre.
Sipas gazetës, ata nuk janë parë më bashkë prej disa muajsh pasi Dua ndodhet në Londër për albumin e saj të ri ndërsa Anwar ndodhej në New York City. “Çifti hodhi idenë për t’i vënë “frenat” romancës së tyre muajin e kaluar pasi duke udhëtuar kaq shumë dhe duke qëndruar të ndarë ishte e vështirë.”, tha një burim.
Dua erdhi së bashku me modelin, disa miq dhe familjen e saj në verë ku kaluan disa ditë pushimesh në jug të vendit. Dua dhe Anwar fillimisht ndezën thashethemet për romancë në qershor 2019. Debutimi i tyre në tapetin e kuq si çift erdhi në American Music Awards 2019.
