Arrestimi i turkut Faruk Fatih Ozer në Shqipëri bëri bujë të madhe ditën e sotme.
“Boss-i” turk i kriptomonedhave rrezikon 40 mijë vite burg, pasi akuzohet për mashtrim dhe krijimtë organizatës kriminale.
Ndërkohë, lidhur me arrestimin e Ozer ka reaguar edhe ish-e dashura e tij Eslem Sena Nur.
Nur ka folur për median turke Haber Turk, dhe ka thënë se Faruk ka qenë një djalë shumë i mirë dhe nuk e priste diçka të tillë prej tij.
“Ai ishte një djalë shumë i mirë, nuk e prisja këtë gjë prej tij. Ozer jetonte me familjen e tij në qytetin e Beykoz. Mua nuk më ka thënë asnjëherë asgjë për paratë e kriptomonedhave. Mbaj mend që më ka thënë se ka pasur një kompani jashtë shtetit, në Singapor. Ai ishte fëmijë e një familjeje të pasur. Ne u ndamë për shkak të xhelozisë”, mësohet se ka thënë ish e dashura e Ozer.
28-vjeçari u arrestua sot në Himarë, në një aksion që u zhvillua nga Policia e Elbasanit, FAST Albania dhe Policia e Vlorës nën drejtimin e Prokurorisë së Elbasanit. Policia sekuestroi aparate celularë, laptopë, karta banke etj. /abcnews.al
