Islanda është në gjendje të jashtëzakonshme për shkak të tërmeteve të panumërta – Frika nga shpërthimi i vullkanit

Rreth 4,000 njerëz u evakuuan gjatë natës nga një qytet islandez pasi qindra lëkundje shkaktuan frikë dhe panik tek banorët.

Islanda shpalli gjendjen e jashtëzakonshme të premten  pasi një seri tërmetesh të forta goditën gadishullin jugperëndimor të Reykjavik të vendit, i cili mund të jetë një pararendës i një shpërthimi vullkanik pranë Sundhnjukagigar, rreth 1.86 milje në veri të qytetit të Grindavik.

Sipas Daily Mail, qyteti, i vendosur rreth 25 milje në jugperëndim të Reykjavikut, është pranë vendpushimit gjeotermik Blue Lagoon, një destinacion popullor turistik që u mbyll përkohësisht si masë paraprake.

Gati 800 tërmete u regjistruan midis mesnatës dhe orës 2 të mëngjesit të së premtes, me më të cekëtin që varionte midis 1.86 dhe 2.18 milje, tha Shërbimi Meteorologjik Islandez.

Islanda përshkohet nga Ridge Mid-Atlantic, një çarje në fundin e oqeanit që ndan pllakat tektonike euroaziatike dhe të Amerikës së Veriut.

Rruga hyrëse në Lagunën Blu është mbyllur në rast të një shpërthimi të mundshëm vullkanik, ndërsa nuk dihet se kur do të mund të kthehen në banesat banorët që kanë evakuuar banesat për arsye parandalimi.