Një djalë 13-vjeçar me origjinë shqiptare ka telefonuar policinë italiane duke akuzuar se babai ushtronte dhunë në familje.
“Ejani, babi po na rreh”, ka qenë thirrja e të miturit në telefon në provincën Civitanova Marche, Itali.
Kur policia mbërriti në adresën e dhënë, e gjeti djalin në rrugë, të tronditur dhe të përlotur, shkruan tgcom24.
Efektivët i dhanë ndihmën e parë gruas së plagosur dhe fëmijëve të tjerë të mitur, njëri prej të cilëve kishte plagë nga dhuna e ushtruar. Ndërkohë vendosën në pranga 47-vjeçarin.
42-vjeçarja së bashku me fëmijët u dërguan në urgjencë dhe më pas në stacionin e policisë Civitanova Marche, ku nga nëntori 2023, është hapur një dhomë kushtuar viktimave të dhunës.
