Rreth 75 mijë veshje me vlerë 8 milionë euro, prodhuar e konfeksionuar në Shqipëri, Bullgari e Tunizi janë sekuestruar nga Guardia di Finanza Italiane e Venezias nën etiketat e falsifikuara “Made in Italy” e “FINEST ITALIAN FABRICS”.
Veshjet e prodhuara për llogari të një kompanie me bazë në Brescia tregtoheshin në Itali nën mashtrimin si të prodhuara në fabrikat italiane.
Kompanitë blerëse e tregtuese të kësaj marke nuk ishin në dijeni të falsifikimit të vendprodhimit të mallrave që kontraktonin, mëson Ora News.
Autoritetet financiare kanë ekzekutuar urdhër kontrollin e mallrave dhe në 400 biznese të tjera që tregtonin mallra të kësaj shtëpie mode e 4800 veshje të tjera nën etiketën false “Made in Italy”, janë vënë nën sekuestrim.
Operacioni u ekzekutua në autostradën A4, në postobblokun që lidh Portogruaro e San Stino di Livenza.
Personat përgjegjës do të jenë nën hetimin e autoriteteve gjyqësore e për Guardia di Finanza ky operacion dëshmon dhe një herë dëmin ndaj konkurencës së ndershme e sipërmarrësve të ndershëm që prodhojnë markën “Made in Italy”.
ora news
