Mjekja e parë grua, që u shpall drejtuese e mjekëve të përgjithshëm të Anglisë ka marrë një raport mjekësor, pas komenteve seksiste që iu bënë. Mjekja Farah Jammeel, e cila u emërua kryetare e Komitetit të Mjekëve në Britaninë e Madhe nëntorin e kaluar, mori raport mjekësor në mars të këtij viti dhe që nga ai muaj nuk është paraqitur më në punë
Ka pasur konfirmime se ajo është shqetësuar për sjelljen e treguar ndaj saj dhe komenteve seksiste që i janë bërë, kryesisht nga anëtarët e shoqatës. Një situatë e ngjashme është shënuar edhe në vitin 2019.
Mjeket gra, u larguan nga postet që kishin në sindikatë pasi pretendohenin se nënçmoheshin, përqafoheshin dhe ngacmoheshin në mënyrë sistematike nga kolegë në moshë më të madhe se ata.
Rachel Podolak dhe Neeta Major, shefat e përbashkët ekzekutivë të BMA, thanë: “Ne jemi shumë të shqetësuar për të parë këto raporte të komenteve seksiste drejtuar Dr Farah Jameel. Komentet seksiste të çdo lloji janë sigurisht të papranueshme. Ne mund të konfirmojmë se Dr Jameel ka ngritur shqetësime në lidhje me sjelljen dhe kulturën që ajo ka përjetuar brenda BMA dhe ndikimin që kjo ka pasur në shëndetin dhe mirëqenien e saj. . . . Këto çështje janë të një rëndësie të madhe për BMA, dhe ne do të kërkojmë për t’u marrë me ta ndërsa fillojmë rolin tonë të ri.”
Një zëdhënëse e BMA shtoi se kishte “shqetësime më të gjera në lidhje me sjelljen dhe kulturën” brenda komitetit të saj GP të Anglisë “të cilat BMA e njeh dhe po kërkon t’i trajtojë”.
Ajo këmbënguli megjithatë se “do të ishte e gabuar të karakterizoheshin këto çështje si të zakonshme në të gjithë BMA-në, e cila po funksionon në mënyrë efektive dhe produktive.
(BalkanWeb)
