Futbolli shqiptar u rikthye në fushë këtë të premte me superligën që nisi javën e 13 të saj. Teuta duket sa ka hedhur seriozisht kandidaturën për në Final 4, teksa arriti të mund me rezultatin minimal Vllazninë në Loro Boriçi.
Një ndeshje me pak raste megjithatë dhe polemikat nuk munguan. Që në fillim u anulua një gol për djemtë e Dobit. Muço Boçi dërgoi topin në rrjetë, por gjyqtari ia anuloi festën për pozicion jashtë loje.
Gjithçka u vendos nga një gol i Mario Beshiraj që i siguroi Teutës tre pikë të rëndësishme. Ndërsa në fund kryesori i nxori kartonin e dytë të verdhë Fadairos pasi vonoi lojën por ishte shumë vonë që ekipi kuqeblu të ndryshonte diçka. Kjo ishte fitorja e parë e durrsakëve në Shkodër pas 8 vitesh dhe jo vetëm kaq por pas kësaj disfate, kuqeblutë tani zbresin dhe nga kreun i Superligës.
Në ndeshjen tjetër mes Partizanit dhe Elbasanit gjithçka u mbyll në barazim pa gola. Një ndeshje pa emocione dhe me shumë pak raste me dy skuadrat që më shumë mbroheshin se sulmonin.
Kjo bëri që rrjetat në fund mos të prekeshin asnjëherë. Ky është barazimi i dytë radhazi për Elbasanin pasi u ndal dhe nga Dinamon në javën e shkuar njësoj si për Partizanin i cili duket se po e merr disi veten pasi ndali Vllazninë, tani arrin ti marrë pikë dhe Elbasanit në shtëpi
