Një tjetër objekt kulturor me vlera të mëdha historike është “zbuluar” në Elbasan.Pas shumë dekadash drejtoria e trasgëgimisë kulturore ka filluar investimin në një nga vendet që pritet të jetë destinacioni i verës. Kalaja e Mengëlit.
Pas bazilikës paleokristiane në qëndrën e qytetit zbulimi I radhës , është Kalaja e ndodhur në fshatin Mengël, e cila përfaqëson një ndërtim ushtarak të realizuar në kohën e sundimit të perandorit Justinian ku edhe nga kjo lartësi kontrolloheshin plotësisht lëvizjet në rrugën Egnatia që kalonte në fundin e kodrës.Për drejtuesin e trashëgimisë kulturore kjo kala që është bërë e aksesueshme për vizitorët do jetë një atraksion më tepër për turistët që do vizitojnë Elbasanin ndaj u vendos të investohet në të.
Bashkia e Elbasanit I ka kushtuar një vëmëndje të veçantë këtë vit destinacioneve turistike, patjetër Kalaja fushore në qendër të qytetit është një nga destinacionet kryesore, por gjithashtu nuk është lënë pas dore edhe destinacionet e tjera turistike, siç është “Ad Cuintum”, si edhe shumë të tjera për ta bërë qytetin Elbasanit me një guidë të plotë.
