Guvernatori i Kalifornisë, Gavin Newsom shpalli emergjencën për shkak të thatësirës, duke u bërë thirrje të gjithë qytetarëve të bëjnë më shumë për të ruajtur ujin përballë kësaj thatësire që konsiderohet si më e keqja ndër këto vite.
“Ndërsa shtetet në perëndim të SHBA-së përballen me vitin e tretë potencial të thatësirës, është e domosdoshme që kalifornianët në të gjithë shtetin të dyfishojnë përpjekjet tona për të kursyer ujë në çdo mënyrë të mundshme’’, theksoi Newsom.
Ndërsa shumica e 58 qarqeve të Kalifornisë kanë qenë në gjendje emergjence për shkak të thatësirës që nga korriku, shpallja e Newsom shtoi edhe tetë qarqet e fundit të mbetura dhe bëri apel që qytetarët të zvogëlojnë vullnetarisht përdorimin e ujit me 15%.
Deklarata vjen kur zyrtarët shtetërorë të ujit njoftuan se banorët e Kalifornisë e ulën konsumin e ujit me 5 për qind në gusht, një përmirësim modest nga korriku, kur shteti e ndërpreu përdorimin e tyre me 1,8 për qind..
Tetë qarqet e shtuara në deklaratën e urgjencës përfshijnë qarqet e Los Anxhelesit dhe Oranges si dhe pjesën tjetër të Kalifornisë Jugore dhe San Franciskos.
