Zëvendëspresidentja Kamala Harris, në tubimin e parë të fushatës presidenciale, u tha mbështetësve në Wisconsin se ajo do të kalojë javët e ardhshme “duke vazhduar të bashkojë partinë tonë” përpara Konventës Kombëtare Demokratike muajin e ardhshëm dhe përballjes së vjeshtës me Donald Trump.
Duke folur për të kaluarën si prokurore në Kaliforni, Harris tha se “ka marrë përsipër autorë të të gjitha llojeve: grabitqarë që abuzonin me gratë; mashtruesit që grabisnin konsumatorët, mashtruesit që thyen rregullat për përfitimin e tyre.”
“Pra, më dëgjoni kur them, e njoh llojin e Donald Trump”, tha ajo.
Harris vuri në dukje se më pak se dy ditë pasi Biden doli nga gara ajo kishte mbledhur mjaft mbështetje nga delegatët e konvetntes demokrate për t’u bërë kandidatja e tyre.
Harris gjithashtu vuri në dukje atë që e quajti “axhendën ekstreme të Projektit 2025” të Trump. Trump ka mohuar planin e politikave të mbështetur nga Heritage Foundation, i cili është krijuar nga shumë prej ish-punonjësve të tij.
Megjithatë, shumë nga propozimet më konservatore dhe më të diskutueshme janë bërë pika qendrore në sulmet demokratike ndaj Trump.
“Ne nuk do të kthehemi,” u zotua ajo, duke nxitur turmën.
Harris gjithashtu kishte mbledhur më shumë se 100 milionë dollarë nga 1.1 milionë donatorë të ndryshëm midis të dielës dhe të hënës, tha një zyrtar i fushatës Harris. Shifra e madhe pasqyron energjinë e re brenda brenda demokrateve qe kishin rene ne pasivitet.
Top Channel
