Kida është padyshim një ndër këngëtaret më të suksesshme shqiptare. Edhe pse vetëm 22 vjeç, ajo ka arritur të ndërtojë një karrierë të sukseshme në industrinë e muzikës shqiptare. Projekti më i fundit i saj mban titullin “Edhe sa”, një këngë që e solli Kidën me një stil krejtësisht ndryshe.
Përsa i përket jetës personale, Kida është treguar shumë e rezervuar. Mirëpo, autorja e hitit “Deja Vu” nuk i ka shpëtuar kësaj pyetjeje në “Shiko kush luan” ku ishte e ftuar. Këngëtares iu bë një pyetje që të gjithë janë kuriozë: “A ka patur ndonjëherë Kida të dashur sepse asnjëherë nuk kemi dëgjuar për një lidhje dashurie nga ti?”
Megjithatë, pavarësisht se u mundua ta shmangte pyetjen, për t’i shpëtuar ushqimit të shpifur, këngëtarja vendosi të flasë duke treguar se nuk është në një lidhje dashurie dhe se ende nuk e ka gjetur shpirtin e saj binjak. Mesa duket për artisten e “Paranoja-Pishman” karriera vijon të mbetet në plan të parë. xh.d/abcnews.al
