Kim Kardashian pati një “ribashkim” virtual me babanë e saj. Kanye West i bëri dhuratë për 40-vjetorin e lindjes një hologram i mahnitshëm 3D të babait të saj të ndjerë, Robert Kardashian. Ylli televiziv e ndau këtë surprizë të veçantë me ndjekësit në rrjete sociale, të cilën e cilësoi si “dhuratën më domethënëse të jetës”.
“Për ditëlindjen time, Kanye më bëri dhuratën më domethënëse të jetës. Një surprizë e veçantë nga parajsa. Një hologram i babait tim. Është kaq e gjallë sa që ne e shikonim pa pushim, të përlotur dhe të emocionuar.
Nuk arrij ta përshkruaj sesa domethënëse ishte për mua dhe motrat e mia, për vëllain tim, për nënën dhe miqtë e ngushtë. Faleminderit Kanye për këtë kujtim që do zgjasë përgjithmonë”, ka shkruar 40-vjeçarja. Hologrami i Robert flet për Kim për rreth 3 minuta, duke i uruar asaj ditëlindjen dhe duke i thënë sa krenar është për të.
Unë jam krenar për gruan që je bërë, Kimberly, dhe gjithçka që ke arritur. Puna jote e palodhur dhe bizneset që ke ndërtuar janë të pabesueshme. Por më mbresëlënëse është angazhimi yt për t’u bërë një avokate dhe për të ndjekur dëshirën time.“, thuhet ndër të tjera në hologram. /abc
https://www.instagram.com/tv/CG8gdHdA1mX/
