Kina ka akuzuar një lloj europian koronavirusi për një shpërthim të ri në Pekin, i cili ka infektuar rreth 200 njerëz në vetëm 8 ditë.
Qeveria kineze ndau ditën e djeshme gjenomën e koronavirusit nga shpërthimi i fundit duke pretenduar se ‘vjen nga Europa’, por është ndryshe nga virusi që po përhapet momentalisht aty, raporton Daily Mail.
Kjo ka nxitur sugjerimet se ky lloj i ri virusi mund të ketë qëndruar në ushqimet e ngrira për një kohë të gjatë.
25 rastet e reja me koronavirus në Pekin e çuan totalin në 183, në shpërthimin më të madh të vendit që në shkurt.
Dhjetëra mijëra njerëz në kryeqytetin kinez po testohen.
syri.net
