Një 41-vjeçare shqiptare është mbytur në një plazh të qytetit Phuket në Tailandë.
Policia në stacionin e Karon tha se 41-vjeçarja shqiptare, Daniela Idrizi, u shpall e vdekur në Spitalin Chalong në orën 6 të pasdites të martën.
Në spital, bashkëshorti i saj egjiptian 43-vjeçar, Mohamed Alsaba, i tha policisë se ata kishin mbërritur në Phuket të martën dhe ishin regjistruar në një hotel në Tambon Karon në orën 2 të pasdites dhe planifikonin të qëndronin deri të enjten.
Në orën 4 të pasdites, tha ai, ata shkuan në plazh dhe gruaja e tij shkoi për të notuar. Pas rreth 10 minutash, ajo filloi të kishte vështirësi gjatë notimit dhe papritmas u fundos.
Organizatat e shpëtimit e nxorrën 41-vjeçaren nga uji dhe raportuan se ajo ishte pa ndjenja. Ajo u dërgua me urgjencë në Spitalin Chalong, ku stafi u përpoq ta shpëtonte, por pa sukses.
Trupi i saj u dërgua më pas në Spitalin Vachira Phuket për një autopsi.
