Një krim brutal ka tronditur Aitoloakarnaninë të shtunën më 17 janar, kur presidenti 51-vjeçar i komunitetit Lithovouni, Kostas Alexandris, u vra pasi u qëllua nga një burrë 44-vjeçar shqiptar, i cili dyshohet se i kishte ngritur pritë.
Sipas mediave lokale greke, viktima ishte parë më herët në një kafene në zonë. Më pas, teksa po lëvizte me makinën e tij, vuri re automjetin e autorit duke kaluar pranë dhe duke u drejtuar drejt zonës së Agios Andreas. Dyshohet se viktima e ndoqi autorin me makinën e tij.
Gjatë ndjekjes, autori dyshohet se e kuptoi se po ndiqej dhe bëri një kthesë U. Ai pretendon se pa viktimën duke e kërcënuar nga brenda makinës, gjë që e trembi dhe e shtyu të qëllonte i pari. Në dëshminë e tij, autori tha: “E bëra unë, sepse nëse nuk do ta bëja, do ta kishte bërë ai.”
Banorët raportojnë se dikur viktima dhe autori kishin qenë miq, por vitin e kaluar mes tyre kishte pasur tensione të forta. Një banor tha: “Ka kaluar një vit që kur ai dhe gruaja e tij u ndanë. Por më pas u ribashkuan dhe gruaja u kthye te burri dhe fëmija i saj. Ata u grindën, madje kishin edhe dy pushkë, dhe thanë të mos qëllonin me njëri-tjetrin.”
Kostas Alexandris, i njohur për përkushtimin ndaj familjes së tij, kishte një nënë dhe një vëlla që kishin nevojë për kujdes. Miqtë e tij shprehen me lot: “Ai kujdesej për nënën dhe vëllain, ndërsa gruaja e tij dhe fëmija ishin pjesë e jetës së tij.”
Sipas hetimeve fillestare, autori i ka ngritur pritë viktimës dhe e ka qëlluar tre herë teksa 51-vjeçari po kalonte me makinën e tij. Për shkak të të shtënave, shoferi humbi kontrollin e automjetit, i cili përfundoi në një përrua/shkëmb. Në vendngjarje, viktima u gjet me fytyrën poshtë në sediljen e pasagjerit, ndërsa brenda makinës u gjet një pushkë gjahu, që tregon se viktima gjithashtu ishte i armatosur. Shkrepje plumbash u gjetën në pjesën e përparme dhe të pasme të makinës, të cilat po shqyrtohen në hetimin balistik. Sipas burimeve vrasja e ka zanafillën te nje sherr për çështje morali pasi dyshohet se autori kishte pasur lidhje intime me bashkëshorten aktuale të viktimës, Kostas Alexandris.
Disa orë pas ngjarjes, autori i krimit kontaktuar vetë autoritetet dhe u dorëzua, duke thënë: “Ejani të më merrni, unë e vrava.” Ai dorëzoi edhe armën e përdorur, një pushkë gjuetie. Më pas u arrestua nga policia e Aitoloakarnania-s dhe dërgua në Departamentin e Hetimit dhe Ndjekjes Penale të Mesolongjisë, ndërsa vendi i ngjarjes u hetua nga Zyra e Hetimit Penal të Aetolisë. Ndaj tij është ngritur çështje penale për vrasje me dashje dhe shkelje të ligjit për armët.
Hetimet e policisë po vazhdojnë për të zbardhur plotësisht motivet e ngjarjes, që sipas provave dhe deklaratave të deritanishme lidhen me mosmarrëveshje personale dhe ndoshta me motive sentimentale. Autoritetet theksojnë se versioni i autorit, që pretendon se veproi nga frika dhe vetëmbrojtja, nuk duket bindës dhe po shqyrtohet me kujdes.
Komuniteti lokal i Makrynias mbetet i tronditur nga vrasja e kryetarit të komunitetit, ndërsa hetimet për të zbuluar rrethanat dhe motivet e sakta të këtij krimi të rëndë janë ende në zhvillim.
