Inflacioni në nivelet rekord të 6.7% në maj, është pasojë jo vetëm e asaj që po ndodh sot në bursa, por edhe faktit se Shqipëria ka një nivel të ulët të prodhimit vendas.
Ekspertët vlerësojnë se rritja e çmimeve do të na shoqërojë për një periudhë afatgjatë dhe pasojat e vërteta do të ndihen në vjeshtë, kur konsumi do të stabilizohet pas sezonit turistik. Ekspertët shprehin shqetësim jo vetëm për çmimet e larta, por edhe për cilësinë.
Ekspertët vlerësojnë se rritja e çmimeve sjell përfitime për qeverinë, pasi ka shtuar ndjeshëm të ardhurat, para që nuk po rishpërndahen në ekonomi. Ekspertët shpjegojnë se qeveria duhet të shtojë vëmendjen tek shtresat e varfra, teksa vlerësojnë se një rritje e mundshme e normës bazë të interesit për lekun, si ajo e paralajmëruar për tu ndërmarrë në korrik nga Banka Qendrore Europiane nuk do të ishte efikase në këtë moment.
