Një 56-vjeçar është arrestuar në qytetin e Durrësit.
Aai kryente veprime të turpshme ndaj 2 të miturave.
”Nga specialistët për Hetimin e Krimeve në Komisariatin e Policisë Durrës u arrestuan në flagrancë shtetasit: R. S., 56 vjeç, banues në Durrës, pasi ka kryer veprime të turpshme ndaj 2 të miturave, 9 dhe 13 vjeç.
A. S., 36 vjeç, banues në Durrës, pasi në banesë, ka ushtruar dhunë fizike dhe psikologjike ndaj bashkëshortes së tij”, thuhet në njoftimin e policisë.
Ndërkohë, janë arrestuar edhe 3 persona të tjerë për vepra të ndryshme penale, 3 janë proceduar penalisht dhe 1 është shpallur në kërkim.
Kultivim kanabisi
Në vijim të veprimeve u arrestua në flagrancë shtetasi B. S., 72 vjeç dhe u bë shpallja në kërkim e shtetasit R. L., 26 vjeç, banues në Nikël, Krujë, pasi, në bashkëpunim me njëri-tjetrin, kanë kultivuar bimë narkotike cannabis sativa në një sipërfaqe toke pranë banesës së tyre.
Gjithashtu u proceduan penalisht shtetasit B. D., 54 vjeç dhe H. Xh., 54 vjeç, me detyrë administrator i Njësisë Administrative Nikël dhe kryeplak i fshatit, për veprën penale “Shpërdorimi i detyrës.
Aktivitet pa licencë dhe me muzikë të lartë
Specialistët për Hetimin e Krimit Ekonomik dhe Financiar proceduan në gjendje të lirë shtetasin:
G. S., 41 vjeç, banues në Durrës, pasi u konstatua nga shërbimet e Policisë në lokalin e tij “Muzikë live”, në lagjen nr. 14, Durrës, duke ushtruar aktivitetin pa licencë dhe duke vendosur muzikë të lartë. Gjithashtu, në zbatim të Aktit Normativ Nr. 3, pika 2, datë 15.03.2020, për parandalimin e përhapjes së COVID-19, ndaj këtij subjekti u vendos masë administrative 1 milion lekë të reja.
Dokumente të falsifikuara
Nga shërbimet e Policisë Kufitare u arrestua në flagrancë shtetasi kosovar Xh. M., 29 vjeç, pasi në PKK, Durrës, ka tentuar të kalojë kufirin me dokumente të dyshuara si të falsifikuara.
Dhunë në familje
”Nga specialistët për Hetimin e Krimeve në Komisariatin e Policisë Durrës u arrestuan në flagrancë shtetasit: R. S., 56 vjeç, banues në Durrës, pasi ka kryer veprime të turpshme ndaj 2 të miturave, 9 dhe 13 vjeç.
A. S., 36 vjeç, banues në Durrës, pasi në banesë, ka ushtruar dhunë fizike dhe psikologjike ndaj bashkëshortes së tij”, thuhet në njoftimin e policisë.
Aksident
Nga specialistët e Qarkullimit Rrugor në Drejtorinë Vendore të Policisë Durrës u arrestua në flagrancë shtetasi:
G. D., 37 vjeç, banues në Tiranë, pasi duke drejtuar mjetin tip “Ford” në gjendje të dehur, është përplasur me mjetin tip “Ford” me drejtues shtetasin A. T., 27 vjeç dhe për pasojë kanë mbetur të dëmtuar shtetasit R. Z., 82 vjeçe, K. B., 25 vjeçe dhe L. T., 54 vjeçe, pasagjere në mjet.
Materialet i kaluan Prokurorisë, për veprat penale “Kultivimi i bimëve narkotike”, në ngarkim të shtetasve B. S. dhe R. L.; “Shpërdorim detyre”, në ngarkim të shtetasve B. D. dhe H. Xh.; “Fshehja e të ardhurave”, “Mospagim i taksave dhe tatimeve” dhe “Prishja e qetësisë publike”, në ngarkim të shtetasit G. S.; “Falsifikim i letërnjoftimeve, pasaportave ose vizave”, në ngarkim të shtetasit Xh. M.; “Ngacmim seksual”, në ngarkim të shtetasit R. S.; “Dhuna në familje”, në ngarkim të shtetasit A. S.; “Drejtimi i automjeteve në mënyrë të parregullt” në ngarkim të shtetasit G. D.
