Kulla Eiffel është evakuuar dhe policë të armatosur kanë rrethuar zonën pasi një njeri bërtiti “Allahu Akbar” dhe kërcënoi se do të hidhte në erë veten.
Policia e Parisit ka rrethuar një zonë të madhe përreth monumentit në kryeqytetin francez dhe u bëri thirrje njerëzve të qëndrojnë larg ndërsa oficerët po inspektojnë zonën për të zbuluar nëse kërcënimi është i ligjshëm.
Thuhet se një telefonues anonim i tha policisë se ata kishin vendosur një bombë në kullën e cila vizitohet normalisht nga dhjetëra mijëra njerëz çdo ditë.
Pa cituar një burim, gazetari Amaury Bucco, i cili postoi foto të kordonit të policisë, pohoi në Twitter : “Perimetri i Kullës Eiffel është i rrethuar, operacioni i policisë është në vazhdim: një burrë bërtiti Allahu Akbar dhe kërcënoi të hidhte në erë gjithçka”.
Fotot dhe videot nga vendi i ngjarjes tregojnë policinë të armatosur me pushkë ndërsa oficerët bllokojnë rrugët dhe shtigjet e këmbësorëve përreth kullës.
Alarmi u dha rreth 12:00 me kohën lokale, pasi një telefonues anonim i tha policisë se kishte vendosur një bombë në vend.
Kulla Eiffel u mbyll për tre muaj gjatë një bllokimi të rreptë për shkak të koronavirusit në Francë.
