Burime nga Ora News zbulojnë se kush ka qenë objektiv i atentatit të ndodhur sot në mesditë në afërsi të stadiumit “Elbasan Arena”
Nga informacionet jo zyrtare mësohet se objektiv i atentatit ka qenë Ervis Çausholli, i cili ka mundur t’i shpëtojë plumbave.
Vetë policia në informacionin paraprak nuk dha detaje se kush ishte objektiv i atentatit, dhe nuk pranon se ka të plagosur.
“Rreth orës 11:50 , në lagjen “Emin Matraxhiu”, Elbasan, dyshohet se gjatë një konflikti është qëlluar me armë zjarri në drejtim të një mjetit. Autori i dyshuar ka braktisur mjetin dhe është larguar. Deri në këto momente nuk ka asnjë njoftim as nga spitali dhe as nga qytetarët për ndonjë person të plagosur” informoi policia e Elbasanit.
Autori i dyshuar ka braktisur mjetin dhe është larguar prandaj Shërbimet e Policisë po krehin zonën në të cilën dyshohet se mund të jetë fshehur autori që ka qëlluar me armë zjarri.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorit/ëve.
Kush eshte “Korçari”
Çausholli, i njohur ndryshe edhe si “korçari” është një emër mjaft i njohur për policinë në Elbasan, pasi rezulton të jetë i përfshirë në disa ngjarje të tjera kriminale në qytet.
Nga informacionet e para mësohet se nga dy makina është qëlluar drejt një makine në lëvizje ku ka qenë dhe objektivi i atentatit.
Cfare ndodhi ne shkurt 2020
“Korçari” u padit në shkurt të këtij viti, 2020 nga një qytetar për dhunë pasi e ndaloi me makinë duke tentuar ta nxjerrë prej saj, ndërkohë që e goditi edhe me grushte.
Ngjarja ndodhi në mes të qytetit të Elbasanit dhe u kap nga disa kamera sigurie.
Më pas, personi i dhunuar shkoi në polici për të bërë denoncimin.
Pas denoncimit, ai deklaroi për mediat se ishte kërcënuar nga një tjetër person, i afërt i Çaushollit, për të mohuar ato që kishte thënë para oficerëve të Policisë Gjyqësore.
