Veshja e famshme e dasmës e Princeshës Diana do të marrë një moment tjetër në qendër të vëmendjes këtë verë, kur ajo të shfaqet në Pallatin Kensington si pjesë e një ekspozite të re. Me titull “Stili Mbretëror “, ekspozita do të shqyrtojë “marrëdhëniet intime midis stilistit dhe klientit mbretëror”. Veshja e Dianës, të cilën ajo e veshi për t’u martuar me Princin Charles në 1981, do të shfaqet në Pallatin Kensington nga 3 qershori deri më 2 janar.
Princi Harry dhe Princi William ranë dakord që të dy t’i jepnin fustanin e dasmës së Dianës Pallatit Historik Mbretërore për ekspozitën. Veshja nuk është shfaqur në Kensington Palace, ish shtëpia e Dianës, që nga viti 1995, raporton ITV Neës, megjithëse publiku më vonë mund ta shihte atë në shtëpinë e saj të fëmijërisë, Althorp.
Fustani i nusërisë është projektuar nga David dhe Elizabeth Emanuel, dhe mburret me vellon më të gjatë në historinë mbretërore 25 metra. Ky fustan ka mëngë të fryra, një dekolte. Veshja përmban panele antike të dantella – posaçërisht, panele me dantella Carrickmacross që dikur i përkisnin gjyshes së madhe të Princit Charles, Mbretëreshës Mary . Në një njoftim për shtyp, kuratori i ekspozitës Matthew Storey tha: “Ekspozita jonë verore në Pallatin Kensington do të jetë në qendër të vëmendjes prej talenteve më të mëdhenj të dizajnit britanik, puna e të cilave ka qenë thelbësore në formësimin e identitetit vizual të familjes mbretërore përgjatë shekullit të 20-të. ”
“Ndërsa një nga pikat kryesore do të jetë padyshim Diana, veshja e dasmës e dizajnuar nga Emanuel e Princeshës së Uellsit, e cila shfaqet në pallat për herë të parë në 25 vjet.”
