Lazio vijon me hapa të sigurta në kampionatin italian teksa shënoi një tjetër fitore spektakolare kundër Torinos në transfertë.
Serinë e golave e hapi Torino që në minutën e 5′ me anë të një penalltie. Pas një prekje me dorë në zonën e 11 metërshit, gjyqtari akordoi një 11 metërsh e cila më pas u shndërrua në gol nga Belotti.
Pavarësisht se Lazio këmbënguli, gjatë pjesë së parë nuk e gjeti rrugën drejt golit.
Vetëm 3 minuta pas fillimit të pjesës së dytë, Immobile riktheu barazpeshën në Torino.
Ndërsa golin e fitores Lazios ja dhuroi Parolo në minutën e 73 me një goditje standarte në hyrje të zonës.
Aktualisht Lazio renditet në vendin e dytë në kuotën e 68 pikëve, 1 pikë larg kryesuesve të Juventus. Por këta të fundit nuk e kanë zhvilluar ndeshjen e tyre.
Ndërsa Torino renditet në vendin e 14 në kuotën e 31 pikëve.
/Ora News.tv/
