Libani u godit nga një tjetër shpërthim sot ndërsa një shtëllungë tymi u ngrit mbi një depo të armëve të dyshuara si Hezbollahut.
Anëtarët e Hezbollahut rrethuan vendin e shpërthimit pasi një zjarr shpërtheu në fshatin Ain Qana, 30 milje në jug të Beirut i cili u shkatërrua nga katastrofa e portit muajin e kaluar.
Burime thanë se shpërthimi i sotëm ishte shkaktuar nga një ‘gabim teknik’ dhe kishte shkaktuar një numër lëndimesh, megjithëse zyrtarët e Hezbollahut nuk kanë konfirmuar ndonjë viktimë.
Grupi i mbështetur nga Irani është i armatosur rëndë, por krahu i tij politik ka qenë një lojtar kryesor në qeveritë libaneze në vitet e fundit dhe përpjekjet për t’u rikuperuar nga shpërthimi i Bejrut janë penguar nga këmbëngulja e Hezbollahut për të mbajtur ministritë kryesore.
Një dëshmitar pranë fshatit sot tha se ata ndien që toka dridhej, ndërsa pamjet në TV-të libanezë tregonin njerëz që ecnin mbi tokë të djegur e të mbushur me mbeturina.
Një zyrtar i Hezbollahut tha se natyra e shpërthimit nuk ishte ende e qartë ndërsa një zyrtar libanez i sigurisë tha se shpërthimi kishte ndodhur në një depo armësh.
Një burim ushtarak tha se informacioni paraprak tregoi se shpërthimi ndodhi në një ‘qendër Hezbollah që përmban municione’ në periferi të fshatit.
Banorët thanë se ambulancat kishin marrë me vete disa njerëz të plagosur, ndërsa Agjencia Kombëtare e Lajmeve e Libanit raportoi dëme të kufizuara materiale.
ora news
