Lihet në burg 30-vjeçari Klodian Çobaj i cili qëlloi disa herë me thikë nënën e tij në Patos.
Togat e zeza pasi kanë dëgjuar prokurorin e çështjes dhe të pandehurin vendosi masën e sigurisë ‘arrest me burg’.
Autori ka treguar pendesë sot në gjykatë. Me lot në sy ka kërkuar dënim maksimal për plagosjen e nënës së tij duke pranuar plotësisht fajin.
Ai është shprehur se nuk mban mend rrjedhën e ngjarjes kur plagosi me thikë nënën e tij. Ka pohuar se e ka kryer në gjendje të rëndë psikologjike
Masa e sigurisë është zhvilluar pa avokat pasi këta të fundit kanë disa ditë që janë në grevë pa afat duke bojkotuar jo vetëm seancat gjyqësore, por edhe masat e sigurisë.
Gjyqtari i çështjes ka qenë Taulant Banushi, ndërsa prokuror Hysen Ajasllari.
