Zbardhet lista e të regjistruarve për fazën e parë nga Shkolla e Magjistraturës për vitin akademik 2025-2026. Janë 299 konkurrentë që do të marrin pjesë në provim.
Konkurrentët me numrat e scantronit, regjistruar për të marrë pjesë në fazën e parë të provimit të pranimit kanë aplikuar për profilin gjyqtar, prokuror, ndihmës ligjor në gjykatë, këshilltar ligjor në prokurori dhe avokat shteti për programin e formimit fillestar pranë Shkollës së Magjistraturës.
Janë 10 vende për profilin gjyqtar, 3 vende për profilin ndihmës ligjor në gjykatë, 12 për profilin prokuror, 3 për profilin këshilltar ligjor në prokurori. Po ashtu, janë 7 vende për profilin avokat shteti në nivel vendor, pranë ministrive/zyrave vendore. Provimi i pranimit do të organizohet me shkrim në dy faza: 22 prill 2025, ora 8.00-13.00, Salla e Koncerteve, Pallati i Kongreseve, Tiranë dhe 24 e 25 prill 2024, ora 8.00-13.00, Holli kryesor i Pallatit të Kongreseve, Tiranë.
