Deputeti demokrat, Luçiano Boçi ka dalë kundër ish kryeministrin Sali Berisha sa i përket çështjes së zgjedhjes së presidentit të ri, teksa me anë të një postimi në rrjetin e tij social, shkruan se asnjë deklaratë e bërë në mënyrë individuale nuk përfaqësonte qëndrimin e grupit parlamentar të PD.
Postimi i Plotë nga Luçiano Boçi:
Çështja e zgjedhjes së Presidentit është një çështje thelbësore e shtetit dhe e marrëdhënieve politike midis mazhorancës e opozitës.
Rama mund ta zgjedhë e ta uzurpojë me votat e tij insititucionin e fundit të pa rënë në duart e tij, por ai s’mund të ketë mbështetjen e opozitës as dhe t’i shmanget kundërshtisë politike në opinion nga opozita, nëpërmjet gjoja “axhendave parlamentare”.
Askush nuk ka të drejtë të parapërcaktojë individualisht, pavarësisht pozicionit, mënyrat dhe rrugët e reagimit të Partisë Demokratike.
Çdo vendimarrje duhet të jetë kolegjiale.
Së pari ajo i nështrohet diskutimit në Kryesinë e Grupit parlamentar.
Çdo qëndrim apo deklaratë jashtë kësaj vemdimmarrje, është krejtësisht individuale dhe si e tillë e pa vlerë.
Kujtojmë se më herët gjatë ditës së sotme, ish kryeministri, Sali Berisha u shpreh se nuk do kishte një kandidaturë nga opozita për postin e presidentit të Republikës.
