Romelu Lukaku nuk po ndihet aspak rehat, në eksperiencën e tij të tretë në Londër.
Futbollisti belg ka dështuar të shpërthejë në “Stamford Bridge” pas transferit të bujshëm të verës që kaluar nga Interi.
Kohë pas kohe, trajneri Thomas Tuchel e ka lënë në bankën rezervë ish-futbollistin e Manchester Unitedit.
Dhe, mediumi britanik “Daily Star” raporton se gjiganti i sulmit mund të ndodh që është duke i kaluar muajt e fundit në Londër, përcjell “Gazeta Express”.
Gjithnjë sipas këtij mediumi, përfaqësuesi belg është i vendosur për t’u rikthyer në “Giuseppe Meazza”.
Madje, ish-futbollisti i Evertonit do të pranojë që t’i përgjysmohet rroga vetëm për t’u rikthyer në Itali.
Muajin tjetër, drejtuesit e Interit mund ta nisin ofanzivën për ta rikthyer Lukakun në Milano.
28 vjeçari ishte protagonist në Serie A vitin e kaluar duke i ndihmuar “Nerazzurri” të shpalleshin kampionë të Italisë. /Gazeta Express/
