Një aksident automobilistik është regjistruar në aksin Elbasan-Peqin mbrëmjen e sotme (22 gusht).
Tre automjete janë përplasur në zonën e Bradasheshit.
Nga përplasja ka mbetur i lënduar një person i cili fatmirësisht ndodhet jashtë rrezikut për jetën.
Dëmet materiale janë të konsiderueshme.
Elbasan/ Informacion paraprak
Në aksin rrugor Elbasan- Peqin, në fshatin Bradashesh, mjeti fugon tip “Benz”, me drejtues shtetasin A.Gj., 27 vjeç, banues në Vlorë, është përplasur me mjetet tip “Volkswagen”, me drejtues shtetasin G.M., 37 vjeç, banues në Elbasan dhe me mjetin tip “Benz”, me drejtues shtetasin Gj.H., 51 vjeç, banues në Tiranë.
Si pasojë e aksidentit është plagosur pasagjeri i mjetit “Volkswagen” shtetasi Q.M., 56 vjeç, banues në Elbasan , jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
