Ministria e Arsimit miratoi kalendarin për procedurat e aplikimit dhe regjistrimit në Institucionet e Arsimit të Lartë për vitin akademik 2024-2025.
Sipas MAS prej datës 15 korrik deri në 29 korrik, maturantët do të bëjnë pagesat e tarifave, teksa nga data 30 korrik deri në 4 gusht, do të bëhet përzgjedhja e 10 programeve të studimit përmes aplikimit online.
Maturantët kanë të drejtë të bëjnë ankimim deri më 29 gusht, por faza më e rëndësishme është nga 30 gushti deri në 13 shtator, kur maturantët do të regjistrohen në Universitete, në 7 faza 48 orëshe. Publikimi i renditjes do të bëhet në kohë reale.
Rreth 28 mijë nxënës-maturantë në të gjithë Shqipërinë, kryen Provimet e Maturës Shtetërore, duke u testuar në 4 provime.
