Mes emocionesh maturantët i dhanë fund provimit të dytë të maturës shtetërore, atij të gjuhës shqipe dhe letërsisë. Gjimnazistët e “Qemal Stafës” në Tiranë tregojnë se testi ishte i nivelit mesatar.

Por ndërkohë që  maturantët kishin rreth një orë që ishin futur në provim teza doli në rrjetet sociale.  Një faqe të variantit B e publikoi në facebook deputeti i Partisë Demokratike Luçiano Boçi. Nxënësit pohuan vërtetësinë e saj  ndërkohë  që shprehën zhgënjim për zhvillimin e provimit në  kushtet të pabarabarta në të gjitha shkollat e vendit.

Për daljen e tezës së gjuhës shqipe dhe letërsisë  ende nuk ka një reagim nga Ministria e Arsimit. Testit iu nënshtruan rreth 33 mijë  maturantë në të gjithë vendin.  Më 17 qershor ata kanë provimin e tretë të maturës, atë të matematikës.

/abcnews.al