Kylian Mbappé do të kthehet në stërvitje me shokët e tij të skuadrës te PSG para takimit që do të ketë me drejtuesit klubit për të ardhmen e tij.
Sulmuesi francez, kontrata e të cilit skadon në qershor 2022, e ka bërë të ditur se nuk dëshiron të qëndrojë në Paris dhe po bën presion për t’u shitur, me shpresën se kupola drejtuese do ta dorëzohet për të shmangur humbjen e tij falas pas një viti.
Për Mbappénë s’ka më prapakthehu, ai tashmë ka një marrëveshje me Realin e Madridit dhe shpreson të jetë nën urdhrat e Ancelottit sa më shpejt. Parizienët, në pritje të largimit të mundshëm të “xhevahirit” të tyre të ri, po studiojnë gjithnjë e më shumë terrenin për të afruar Cristiano Ronaldon, i cili është ende i lidhur në kontratë me Juventusin.
Skuadra e PSG-së, shumë aktive në këtë merkato verore, mund të bëjë një tjetër goditje të madhe, duke transferuar në “Parc des Princes” Pual Pogbanë. Por drejtuesit parizienë janë të vetëdijshëm për faktin se, herët a vonë, do të detyrohen të arkëtojnë të paktën 150 milionë në mënyrë që të mos pësojë sanksione lidhur me “Fair Play Financiar”. Zgjidhja e vetme duket të jetë ajo e largimit drejt Madridit e sulmuesit të ri, për të provuar më pas afrimin e CR7 në Francë, duke përdorur Mauro Icardin për këmbimin me portugezin e Juventusin.
Top Channel
